OJOS DE BRUJO – CORRIENTE VITAL 10 ANOS (2011)

Poppið tekur á sig ýmsar myndir. Spænskt flamenco og rúmba bætir við sig bassagítar og trommum og verður poppmúsík?

Við tökum flestum tónlistar Íslandsvinum opnum örmum og básúnum  sem eitthvað nýtt og auðvitað það allra besta svo hljómleikahöldurinn fari nú ekki á hausinn ef enginn mætir.

Og auðvitað vita menningarvitarnir best. Í Listahátíðarnefnd eiga að vera slíkir menningarvitar að enginn vafi má leika á gæðum hinna stórkostlegu listamanna sem við vissum ekkert um, sem þau uppgötva og deila með okkur á Listahátíð sem haldin er á hverju ári (held ég) nú orðið.

Heimstónlistinni er oftast gerð skil á Listahátíð og kannski eru Ojos de Brujo, eða Augu seiðkarlsins, fulltrúar heimstónlistarinnar í ár.

Ojos de Brujo er Spænskt band sem hefur starfað í tólf ár, alla vega gefið út plötur í tólf ár. Fyrsta platan þeirra kom út árið 1999 og heitir Vengue, og vakti strax athygli í heimalandinu og gagnrýni heittrúaðra flamenco aðdáenda.

Með annarri plötu sinni árið 2022, sem heitir Barí, náðu þau að selja mjög vel og vekja athygli víðar m.a. í Bretlandi.  Rödd söngkonunnar Marina Abad er ekki ólík rödd Sade, silkimjúk og hentar vel spænskunni. Ramon Giminez er fínn flamencogítarleikari líka og heildarhljómurinn er silkimjúkur og seiðandi og örugglega frábært í eyrum þeirra sem eru hrifnir af flamenco og spánverjamúsík.

Þau hafa síðan gefið út plöturnar Remezclas de la Casa, 2003, Techari 2006, Techari Live 2007, Techari Remixes  og Aocana 2009.

Textarnir fjalla um óréttlæti heimsins, eins og tóma ísskápa (hafa allir efni í ísskápum?) og af hverju sumir eru ríkir og aðrir ekki er, mér sagt.  Tutu…

En Ojos de Brujo ku vera hin besta hljómleikahljómsveit og ætti því að gleðja margan Íslendinginn sem hefur hrifist af Spáni frá því að skipulagðar ferðir hófust til sólarlandsins rétt eftir miðja síðustu öld.

Það má deila um það hvort Corriente Vital sé ný plata því flest laganna er að finna á fyrri plötum en hér í nýjum upptökum og útgáfum, með gestum og nýjum upptökustjórum.

Ég er búinn að renna létt í gegnum eldri plöturnar og þar er að finna fjölbreyttari áhrif, Latin og indversk áhrif og síðasta alvöru platan, Aocana, hljómar best í mínum eyrum.  Þessi er Spænskari.

Bestu lögin? Titillagið, Baraka, ekta spanjólalag, La Machine, hip hop lagið, og Corre Lada sem er miklu betra Reggae en Bob Marley lagið Get Up Stand Up sem hefur oft verið gert betur!

Músík truflar mig ekki en kallar heldur ekki á mig.

Stjörnugjöf? Við töluðum um Eurovision stjörnur um daginn, eigum við að tala um Íslandsvinastjörnur eða Listahátíðarstjörnur?

7 Listahátíðarstjörnur  eða 5 alvörustjörnur?

This entry was posted in Plötudómar / Record reviews, Plötufréttir, Tónlist, Uncategorized. Bookmark the permalink.

Leave a Reply

Your email address will not be published. Required fields are marked *